TUGUEGARAO CITY, Cagayan – Magkasunod na pinabulagta ang dalawang tauhan ng solon matapos pagbabarilin ng riding-in-tandem gunmen sa labas ng Cauayan City Hall sa Barangay District 2 kahapon ang umaga.
Kinilala ni P/Supt. MaÂriano Rodriguez ang mga biktima na sina Romeo Mariano, 45, ng Brgy. Burgos, bayan ng Alicia; at Benito Armijola Jr., 39, ng Brgy. Villa Magat sa bayan ng San Mateo, Isabela at sinasabing kapwa miyembro ng security team ni Isabela 3rd District Rep. Pol Dy
Nabatid sa ulat na nakatayo ang dalawa sa labas ng Cauayan City Hall nang biglang lapitan at ratratin ng gunman na nakasuot ng helmet.
Napag-alamang hinihintay ng mga biktima ang pagbubukas ng korte para dumalo sa kanilang kaso na kinasangkutan kung saan pansamantalang hindi muna isiniwalat ng pulisya.
Narekober sa crime scene ang pitong basyo ng bala ng cal. 45 pistol habang patuloy ang pagsisiyasat.