MANILA, Philippines - Tatlong katao na hinihinalang tulak ng ipinagbaÂbawal na droga ang naÂpatay habang tatlo pang pulis ang sugatan matapos silang makaengkuwentro habang isinisilbi ang search warrant sa Bernadette Village, Brgy. Luna, Surigao City kamakalawa ng gabi.
Ayon kay Police Regional Office (PRO) 13 Caraga spokesman Supt. Martin Gamba, nakilala ang mga napatay na sina Jameel Mamao, isang alyas Mael at isang alyas Bogs habang nilalapatan na ng lunas sa ospital ang mga sugatang pulis na sina SPO1 Ricky CaÂneda na nagtamo ng sugat sa kaliwang binti, P/Insp. Alvin Caballes, na sugatan sa kanang hita at P/Insp. Paul Michael Neffe.
Sinasabing isinisilbi na ng pinagsanib na elemento ng Philippine Drug Enforcement Agency (PDEA) Regional Office 13, Surigao City Police Station, Surigao Norte Provincial Police Office at Surigao Norte PPSC ang search warrant sa bahay ni Mamao noong Biyernes ng alas-9 ng gabi nang bigla na lamang silang paputukan ng baril ng mga suspek na naging dahilan ng barilan.
Napaslang sa sagupaan ang tatlong suspek matapos ang tatlong oras na engÂkuwentro.
Narekober sa crime scene ang dalawang pakete ng ice wrapper celloÂphane na may shabu; 14 piraso ng transparent plastic sachets na may lamang shabu, P124,000.00 cash, isang notebook, dalawang tiniklop na aluminum foil strips, isang roll ng alumiÂnum foil; isang maliit na timbangan, isang blue metal box na naglalaman ng mga plastic ng cellophane; isang kulay asul na malaking timbangan, isang electronic sealer; isang plastic scoop, isang caliber 9mm KG9 na may silencer; isang caliber .45 pistol; dalawang magazine ng KG9, isang magazine para sa caliber .45 at mga empty cartridges at deformed slugs.