CAMARINES NORTE, Philippines –Isa na namang collector ang biktima ng panghoholdap ng isang armadong lalaki habang kumukuha ng koleksyon ng mga bayarin sa kanyang produktong idiniliber sa Purok 1 Brgy. Camambugan, Daet, lalawigang ito kamakalawa ng umaga.
Kinilala ni P/Supt Paul Abay ang biktima na si Jayson Nolo, 27-anyos binata, ng Brgy. Matnog bayan ng Basud at empleyado ng PEDSCOR na pag aari ni Joseph Po na matatagpuan sa Yao Building sa Brgy Camambugan.
Sa imbestigasyon, bandang alas-10:40 ng umaga nang maganap ang panghoholdap ng hindi nakikilalang suspek na may taas na 5’11â€, nakasuot ng itim na sumbrero at fatigue na jacket na kulay green. Matapos na matangay ng suspek ang halagang P10,000 mabilis na tumakas sakay ng kanyang motorsiklong Honda TMX na walang plaka.
Dismayado naman ang mga negosyante at ilang residente sa performance ng Chief of Police sa katauhan ni P/Supt Paul Abay dahil sa patuloy na tumataas na kaso ng holdapan at pagnanakaw kabilang na ang bicol correspondent ng Pilipino Star Ngayon na nananatiling unsolved ang kaso.