TUGUEGARAO CITY, Cagayan, Philippines – Pinagbabaril at napatay ng mga di-kilalang lalaki ang 44-anyos na lalaki samantalang kritikal naman ang kanyang kaibigan sa panibagong karahasang naganap sa Barangay Sentro Tomas, bayan ng Bani, Pangasinan kamakalawa. Kinilala ng pulisya ang napatay na si Melanio Necesito habang nakikipagbuno naman kay kamatayan si Jimboy Baez, 27. Lumalabas sa imbestigasyon na kagagaling lamang ng magkaibigan sa tahanan ni Edwin Niño nang abangan sila sa labas ng gunmen at isagawa ang pamamaril. Blanko naman ang pulisya sa motibo ng pamamaslang habang patuloy ang imbestigasyon.