MANILA, Philippines - Kamatayan ang sumalubong sa isang doktor habang 15-katao naman ang nasagip makaraang lumubog ang pampasaherong bangka sa karagatan ng Dapitan City, Zamboanga del Norte kamakalawa.
Kinilala ang namatay na si Dr. Bob Aquino na sinasaÂbing inatake sa puso matapos malunod base sa resulta ng post mortem examination.
Isa sa mga nasagip na pasahero ay ang photographer na si Jessie Yu na naisugod sa Zamboanga City Medical Hospital sa Dipolog City habang ang nagtitimon na si Anaclito Gallepso at dalawang bangkero ay nasagip naman ng mangingisdang napadako sa nasabing lugar.
Naganap ang sakuna sa karagatan sa bahagi ng Aliguay Island habang ang grupo ni Dr. Aquino ay nagsaÂsagawa ng photo shoot sa magandang tanawin.
Pabalik na sa Dapitan City ang mga biktima nang balyahin ng malakas na hangin at alon kaya lumubog ang kanilang bangka.