BULACAN , Philippines - Pinaniniwalaang may matinding problema sa pinansyal at sinasabing baon sa pagkakautang ang 46-anyos na trader kaya nagdesisyong mag-suicide sa kanyang opisina sa Barangay Longos, bayan ng Pulilan, Bulacan kamakalawa ng hapon. Bandang alas-2:30 ng hapon nang matagpuan ni Allan Ortiz ang kanyang amo na nakabitin na si Noel Santos ng Brgy. Lumang bayan sa bayan ng Plaridel. Ayon kay PO1 Razzle Libunao, huÂling namataang buhay ang biktima na nagpaalam na sa kanyang mga trabahador at nakitaan ito ng pagkabalisa dahil sa sinasabing hindi makabayad sa malaking halaga na pagkakautang kaugnay sa kanyang negosyo.