CAMP SIMEON OLA, Legazpi City, Philippines - – Napaslang ang 42-anyos na barangay tanod habang malubha naman ang kaibigan nito makaraang pagbabarilin ng riding-in-tandem assassin sa Barangay Nogpo, bayan ng Libon, Albay kamakalawa ng gabi. Hindi na umabot pa ng buhay sa Rural Health Unit si Miguel Crisol, magsasaka habang ginagamot naman si Alfredo Bucad. Nabatid na naglalaro ng pusoy ang magkaibigan sa bahay ni Romeo Pili nang lapitan at ratratin ng mga di-kilalang lalaki na lulan ng motorsiklo. Pinaniniwalaang away sa lupaing sinasaka ng biktima ang isa sa motibo ng pamamaslang.