KIDAPAWAN CITY , Philippines — Hindi pa man pormal na nakakaupo bilang councilman na nanalo noong barangay election ay pinabulagta na ito ng di-pa nakilalang lalaki noong Sabado sa Barangay Malinan sa Kidapawan City. Kinilala ni P/Supt. Leo Ajero, Kidapawan City PNP director ang biktima na si Ronaldo Macrohom, dating miyembro ng Citizens Armed Forces Geographical Unit Active Auxiliary. Base sa police report, sakay ng motorsiklo si Macrohom kaangkas ang kaibigang si Efren Pinio nang sundan at ratratin ng riding-in-tandem gunmen. Napuruhan sa ulo ang nasabing konsehal habang sugatan naman si Pinio. Natangay sa mga biktima ang Garand rifle, improvised M14 assault rifle, cal.38 revolver at cal.45 pistol.