Macalelon, Quezon, Philippines – Isang lalaki ang napaslang matapos hamunin ng 2 suspek sa isang duwelo dahil umano sa sigalot sa lupa sa Barangay San Jose, sa bayang ito, mismong araw ng Undas.
Batay sa salaysay ni Christian Rowy, 21, kasama niya umanong gumagawa ng “copra†ang kanyang kapatid na si Ariel Rowy Aquino, 26, bus conductor ng biglang dumating ang 2 suspek na sina Ezar Rowy at Marvin Petero bandang alas-8 ng umaga.
Hinamon ni Ezar ang biktima at sinabi na “Simulan na natin ito,†sabay bumunot ng baril at pinaputukan ang magkapatid na Christian at Ariel.
Mabilis na tumakbo si Christian at nakarinig siya ng dalawang putok mula sa lugar at humingi ng tulong sa mga awtoridad.
Gayunman, bangkay na ang biktima ng abutan ng mga nagrespondeng awtoridad at mga brgy. tanod. Ang kasong ito ay patuloy na iniimbestigahan. Michelle Zoleta/Tony Sandoval