TUGUEGARAO CITY, Cagayan, Philippines - – Dalawa-katao ang napaslang habang sugatan naman ang 12-anyos na totoy matapos ratratin ng riding-in- tandem gunmen sa harapan ng Mansante Elementary School sa Barangay Mansante, bayan ng Magsingal, Ilocos Sur noong Huwebes ng gabi. Kinilala ang mga biktima na sina Winston Alvarez Garcia, tricycle driver; at isa Mark Tayaba habang sugatan naman ang pamangkin ni Garcia na si Jet Lee Alvarez.
 Sa ulat na nakarating kay P/ Supt. Marlo Castillo, lulan ng traysikel ang mga biktima nang sundan at ratratin ng tandem. Ayon kay Castillo, walang bahid-pulitika ang naganap na pamamaril kaugnay sa pambarangay eleksyon sa Oktubre 28 habang patuloy naman ang imbestigasyon.