MANILA, Philippines - Matapos ang apat na araw na pagkakabihag, nasagip ng mga operatiba ng pulisya ang dinukot na negosyanteng Tsinoy matapos itong abandonahin ng mga kidnaper sa bayan ng Ramon Magsaysay, Zamboanga del Sur kamakalawa.
Kinilala ni P/Chief Insp. Ariel Huesca, spokesman ng police regional office 9 ang naisalbang biktima na si Lee Tan, 37, ng Pagadian City.
Bandang alas-8:45 ng umaga nang maispatan ng pangkat ni P/Insp. Heide Te-elan ang negosyante habang naglalakad sa bahagi ng Barangay EspeÂranza sa nasabing bayan.
Si Lee ay dinukot ng mga armadong kalalakihan noong Biyernes (Oktubre 5) kung saan napilitan ang mga kidnaper na abandoÂnahin matapos ma-pressure sa pinalakas na operasyon ng pulisya.
Gayon pa man, inaalam kung nagbayad ng ransom ang pamilya ng biktima.