CAMARINES NORTE, Philippines - Wala ng buhay ng matagpuan ng mga security guard sa loob ng staff house ng Investment Mineral DeveÂlopment Corporation ang isang 32 anyos na Intsik sa Brgy. Larap, Jose PaÂnganiban, Camarines Norte kamakalawa ng umaga.
Sa ulat ni P/Chief Insp. Juancho Ibis, kinilala ang biktima na si Alex Lai, 32-anyos may asawa at Assistant Operation Officer ng nasabing mining firm at pansamantalang naninirahan sa nasabing lugar.
Nabatid na nadiskubre na lamang ang bangkay ng biktima sa kanyang tinutulugang kama dakong alas-10:30 ng umaga sa loob ng staff house matapos na gamitan ng duplicate key ng security in-charge na si Armando Talento makaraang hindi ito sumasagot sa tawag ng kanyang mga kasamahang security guard. Iniimbestigahan pa ang sanhi ng pagkamatay ng biktima.