MANILA, Philippines - Nagutay ang katawan ng lalaking bomber na minalas pang mapugutan matapos na sumabog ang bombang itinatanim nito sa kahabaan ng national highway sa bayan ng Labangan, Zamboanga del Sur noong Martes ng gabi.
Sa ulat na nakarating kay P/Chief Inspector ÂAriel Huesca, naganap ang pagsabog sa kahabaan ng national highway sa Barangay Tapodoc bandang alas-9:35 ng gabi.
Kaagad na rumesponde ang mga tauhan ng Explosive and Ordnance Division (EOD) ng Labangan PNP kung saan narekober ang 60mm mortar shell na cell phone ang triggering device.
Narekober din sa blast site ang nagutay na bangkay ng lalaking napugutan na pinaniniwalaang may dala ng sumabog na bomba.
Kasalukuyan pang inaÂalam ang pagkakakilanlan ng bomber at inaalam rin ang grupong kinabibilangan nito.
Sa isinagawang clearing operations ay isa pang bomba ang narekober sa may 15-metro mula sa explosion site na nai-detonate ng mga awtoridad kahapon ng madaling-araw.