MANILA, Philippines - Animo’y kinarne ang katawan ng 38-anyos na lalaking may bahagyang diperensya sa pag-iisip makaraang wakwakin ang tiyan ay tinanggalan pa ng laman-loob saka pinugutan at pinutulan pa ng ari ng nakabangga nitong adik sa bayan ng Malungon, Sarangani, ayon sa ulat kahapon.
Sa phone interview, kinilala ni P/Chief Insp. Lurobe Rojo, hepe ng Malungon PNP ang biktima na si Gary Natural ng Sitio Sto. Niño sa Barangay Poblacion.
Ang bangkay ng biktima ay natagpuan sa may sapa sa Sitio Pangan noong Sabado kung saan positibong kinilala ng kaniyang amang si Luciano Natural dahil may tattoo itong gagamÂba sa dibdib.
Sinabi pa ni Rojo na tadtad ng saksak sa iba’t-ibang bahagi ng katawan ang biktima kung saan lumilitaw na wala rin sa katinuang pag-iisip ang suspek na napapabalitang adik sa bawal na droga.
Sinabi ni Rojo na matinÂdi ang galit ng suspek na tumanggi muna itong tukuyin ang pangalan dahil sa inilatag na malawakang dragnet operations.