CAVITE, Philippines - Dalawang suporter ni Bacoor City MaÂyor Strike Revilla ang iniulat na napaslang habang isa pa ang malubhang nasugatan matapos na pagbabarilin ng mga armadong kalalakihang lulan ng dalawang motorsiklo sa bahagi ng Barangay Queensrow West, Bacoor City, Cavite kamakalawa ng gabi.
Kinilala ni P/Senior Supt. Alexander Rafael, CaÂvite PNP director, ang mga napaslang na sina RoÂberto “Bobby†Palabrica, 58; at Reynaldo Primoso, 46, kawani sa Bacoor City Hall at kapwa suporter nina Bacoor City Mayor Strike Revilla at mag-asawang Rep. Lani Mercado at Senador Bong Revilla Jr.
Naisugod naman sa St. Dominic Hospital ang sugatang si Chairwoman Catherine Palabrica, 44, ng nabanggit na barangay.
Nabatid na papauwi na ang mga biktimang lulan ng sports utility vehicle (SUV) mula sa campaign rally nang harangin at ratratin ng dalawang riding-in-tandem pagsapit sa nasabing lugar kung saan may ilang metro lamang ang layo sa simbahan.
Sinisilip ng mga imbestigador ng pulisya ang anggulong may kaugnayan sa politika at ang sinasabing kampanya laban sa bawal na droga.