QUEZON, Philippines - Nalambat ng pulisya ang limang miyembro ng kilabot na Budol-Budol Gang matapos na inguso ng kanilang biniktimang matandang babae sa Quezon AveÂnue, Barangay Tinamnan, bayan ng Lucban, Quezon, kamakalawa ng umaga.
Pormal naman kinasuhan ng pulisya ang mga suspek na sina Canuto Banday ng Quezon City; Benjamin Macasojot ng Caloocan; Susan Sambo, Dina Hayag, at si Marilou Donan ng Camarines Sur. Ayon kay PO2 Nelson de Lara, biniktima ng mga suspek si Lucia Alan, 72 , sa loob ng restaurant kung saan tinangay ang malaking halaga ng matanda.
Nang mahimasmasan ang matanda ay nakita niya ang mga suspek na lulan ng kotseng gray (NYE-205) kaya itinimbre nito sa pulisya.
Hindi na nakapalag ang mga suspek nang arestuhin ng pulisya kung saan narekober ang mga papel na ginagamit sa modus operandi at cash na P5,950.