QUEZON , Philippines - Nauwi sa trahedya ang pagbabakasyon ng 13-magkakamag-anak makaraang mahulog ang kanilang jeepney sa malalim na bangin sa Barangay Silangang MaÂlicboy, bayan ng Pagbilao, Quezon kamakalawa ng gabi. Naisugod sa Jane County Hospital ang mga biktimang sina June Hernandez, Nerissa, Rico, Marie, Alex, Daisy, Mayra, Hazel, Michael na pawang may mga apelyidong Juntado, Solomon Arcangel, Edgar Ngoso, Jovy Bituin at si John Rae Hernandez na pawang nakatira sa San Pedro City, Laguna. Ayon kay PO3 Allan Falqueza, nagbakasyon sa bayan ng Tagkawayan ,Quezon ang mga biktima kung saan pauwi na sa Laguna sakay ng jeepney (TVF-639) ni Christopher Boral nang mawalan ng preno pagsapit sa old zigzag road. Dito na nagpa-ekis-ekis ang sasakyan bago bumulusok sa bangin na may 20-talampakang lalim.