CAVITE, Philippines - Kasalukuyang nakikipaglaban kay kamataÂyan ang isang tabloid reporter matapos na pagbabarilin ng riding-in-tandem gunmen sa Barangay Mambog 2, Bacoor City, Cavite kahapon ng umaga. Dalawang bala ng baril ang tumama kay Jun Valdecantos, corresponÂdent sa iba’t ibang lokal na tabloid sa Cavite. Sa inisyal na ulat ng pulisya, naganap ang pamamaril ilang metro ang layo sa bahay ng biktima sa nabanggit na barangay dakong alas- 9:20 ng umaga. Nabatid na naglalakad ang biktima nang lapitan at ratratin ng tandem. Napag-alaman pa na bago ang pamamaril ay namataan ng ilang bystander ang motorsiklo ng gunmen na nagpapaikut-ikot sa nasabing lugar na tila may inaabangan. Samantala, kinondena naman ng pamunuan ng Alyansa ng Filipinong Mamamahayag at National Press Club ang pamamaril kay Valdecantos kung saan binatikos nito ang Aquino Administration sa pagiging matamlay sa media killings.