MANILA, Philippines - Patay ang isang sundalo matapos na paulanan ng bala ng hindi pa nakilalang motorcycle riding-in-tandem gunmen ang tahanan ni Jacob “Coco†Rasuman, isa ring lider ng pyramiding scam sa naganap na karahasan sa Brgy. Panggao Saduc, Marawi City, Lanao del Sur kamakalawa.
Kinilala ang nasawi na si Pfc Oward John Abellana, miyembro ng Army’s 65th Infantry Battalion (IB) na nakatalagang bantay sa tahanan ni Rasuman.
Sa ulat ng Marawi City Police, naganap ang insiÂdente bandang alas-11 :45 ng umaga habang nagbabantay ang nasabing sundalo sa bahay ni Rasuman.
Si Rasuman, ay isa ring pyramiding scam boss na kaalyado ni Emmanuel Amalilio na nahuli sa Malaysia at nasa kustodya ng mga pulis doon bunga ng kinakaharap rin nitong hiwalay na mga kasong kriminal.
Ayon sa imbestigasyon, sinabi ni SPO1 Ali Rangiris na matapos na pagbabarilin ang gate ng tahanan ni Rasuman kung saan bumulagta si Abellana ay kinuha pa ng mga suspek ang M14 rifle nito saka mabilis na tumakas sa lugar.
Sa kasalukuyan, nasa kustodya ng National Bureau of Investigation si Rasuman na inaresto noong NobÂyembre 27, 2012 matapos na magawa ring makatangay ng bilyong halaga ng inÂvestment sa mga nabiktima nito.