CAVITE, Philippines – Napaslang ang 50-anyos na negosyante matapos barilin ng kanyang kapitbahay na miyembro ng Civilian Security Unit (CSU) kaugnay sa personal na alitan sa Barangay Buhay na Tubig, Imus City, Cavite kahapon ng madaling-araw. Napuruhan sa dibdib ang biktimang si Herlie Manalaysay, contractor at nakatira sa Block 8 Lot 5 Phase 5, Cita Italia Subd. Samantala, tugis naman ng pulisya ang suspek na si Aurelio Gonzales, 45, nakatira rin sa nabanggit na barangay. Sa ulat ng pulisya, nagkainitan ang dalawa kaugnay sa personal na alitan kung saan nauwi sa pamamaslang. Isinugod naman sa Medical Center Imus ang biktima subalit idineklarang patay.