CAVITE, Philippines – Nagwakas ang pagiging pulis ng 50-anyos na mister matapos itong maipit sa loob ng kanyang van na sinalpok ng dump truck sa kahabaan ng Molino Road sa Barangay Molino 4, Bacoor City, Cavite kahapon ng madaling-araw. Halos mapisak ang katawan ng biktimang si PO3 Danilo Malvar Agudong, nakatalaga sa Parañaque City PNP at nakatira sa Barangay Paliparan 2, Dasmariñas City, Cavite. Nadakip naman ang tsuper ng trak na si Arnel Dimabuyu, 47, may asawa, Pulung Santol sa bayan ng Porac, Pampanga. Sa ulat ni PO2 Edison Fetalcurin, sinalpok ng cargo truck (PTP 417) ang unahang bahagi ng Mitsubishi L-300 (TFS-849) ng biktima kung saan naipit ang katawan nito.