CEBU CITY, Philippines – Dahil sa kapwa inaangkin ang itinanim na punungkahoy nagawang barilin at mapatay ang 59-anyos na ama ng kanyang anak na lalaki sa Barangay San Rafael sa bayan ng Barili Cebu noong Miyerkules ng hapon.
Napuruhan sa tiyan ang biktimang si Felomino Cabalquinto kung saan naisugod pa sa Barili District Hospital subalit idineklarang patay.
Samantala, sumuko naman ang suspek na si Samuel Cabalquinto, 35, kapwa nakatira sa nabanggit na barangay.
Napag-alamang nagkainitan ang mag-ama kaugnay sa pinagtatalunang punungkahoy na Mahogany na nakatanim sa kanilang bakuran.
Sinasabing inaangkin ni Felomino ang pagtatanim ng nasabing punungkahoy habang pinagpipilitan naman ng suspek na siya ang nagtanim ng Mahogany.
Ang bangayan ng daÂlawa ay naganap habang nag-iinuman ng alak ang mag-ama kasama ang daÂlawang nitong kapatid bandang alas-3:30 ng hapon.
Dito na binaril gamit ang improvised shotgun ang biktima kung saan boluntaryo namang sumuko sa pulisya na nahaharap sa kasong parricide. Freeman News Service