CAVITE , Philippines — Dahil sa kalasingan sa alak ay nalunod sa ilog ang 60-anyos na driver matapos mahulog ang minamanehong pedicap sa Barangay Anabu 1E, Imus City, Cavite. Bandang alas-6 ng umaga nang matagpuan ang bangkay ni Eddie Agosto, na nakalutang sa ilog. Sa ulat ni PO3 Allan Reyes, bago naganap ang insidente, nakipag-inuman ang biktima sa kaibigang si Alfonso Celis sa Barangay Liwayway bago nagpasyang umuwi. Sinasabing nawalan ng kontrol ang biktima sa minamanehong pedicap kaya nagtuluy-tuloy sa ilog.