MALOLOS CITY, Bulacan , Philippines – Agaw buhay ngaÂyon isang 62-anyos na lolo makaraang tagain ito sa ulo ng nakaaway nitong kapwa matandang lalaki habang nagkakasiyahan na naganap sa isang lugar dito kamakaÂlawa ng gabi.
Kasalukuyan pang inoobserbahan matapos na isugod sa Bulacan Medical Center ang biktima na kinilalang si Alberto Papa kawani ng Bureau of Customs habang naaresto naman sa isinagawang follow-up operation ang suspek na si Dominador Villaceran, 52, kapwa mga residente ng Menzyland Homes, Brgy. Mojon sa siyudad na ito.
Base sa imbestigasyon ng pulisya dakong alas-7 ng gabi ay nag-iinuman ng alak ang dalawa sa naturang lugar at ilang oras pa ang nakakalipas ay kapwa nalasing ang mga ito ay nagkaroon ng mainitang pagtatalo sa pagitan ng dalawa.
Agad namang kumuha ng itak ang suspek at pinagtaÂtaga ang biktima na isinugod naman sa pagamutan.
Patuloy naman ang imbestigasyon ng pulisya sa kasong ito.