CAMP SIMEON OLA, Legazpi City, Philippines – Kamatayan ang naging kapalit sa kasipagan ng 36-anyos na barangay kagawad matapos itong makuryente habang nagkakabit ng banderitas para sa kapistahan ng Barangay San Esteban sa bayan ng Nabua, Camarines Sur kamakalawa ng hapon. Kinilala ng pulisya ang biktima na si Allan Basagre 36 , may asawa. Lumilitaw na nahawakan ang talop na linya ng kuryente ang biktima na kaagad na nangisay. Mabilis naman isinugod sa Rinconada Medical Center subalit hindi na umabot ng buhay.