ILAGAN CITY, Philippines- Rehas na bakal ang binagsakan ng pitong miyembro ng robbery gang na pawang menor-de-edad matapos maaresto ng pulisya sa Barangay San Vicente sa Ilagan City, Isabela kamakalawa. Inindorso ni P/Supt. Bobby Bucad, ang mga batang may edad 13 hanggang 14 sa City Welfare and Development Office. Ang mga suspek ay naka-enroll sa Isabela National High School sa nasabing barangay. Ayon sa pulisya, ang mga suspek ay sinasabing nanloob sa kanilang paaralan at tumangay ng ilang yunit ng computer at ilang gamit. Noong nakaraang linggo, isa ring menor-de-edad ang dinakip ng pulisya kaugnay sa panloloob nito sa City Trasurer’s Office kung saan wala namang nakuha ang batang suspek.