MANILA, Philippines — Nanatiling nakakapit ang Lyceum of the Philippines University sa tuktok ng team standings matapos kaldagin ang San Sebastian, 25-18, 25-22, 21-25, 25-23, sa NCAA Season 99 women’s volleyball tournament kahapon sa Filoil EcoOil Arena.
Kasalo ng Lady Pirates ang defending champions St. Benilde Lady Blazers tangan ang 2-0 record, habang nalasap ng Lady Stags ang pangalawang sunod na kabiguan.
Lamang ang San Sebastian ng isang puntos, 21-20, sa fourth set pero hindi nasindak ang Lyceum na naging matatag upang itakas ang panalo.
Pinamunuan ni sophomore Joan Doguna ang puntusan para sa Lady Pirates sa kanyang 20 points.