MANILA, Philippines — Sisimulan ng National University ang pagdedepensa sa korona sa pagsagupa sa University of the East sa Shakey’s Super League (SSL) Collegiate Pre-Season Championship Season 2 sa Filoil EcoOil Centre sa San Juan.
Nakatakda ang bakbakan ng Lady Bulldogs at Lady Warriors sa Pool A ngayong alas-5 ng hapon.
Winalis ng NU ang inaugural SSL season noong nakaraang taon.
Tinalo naman ng UE ang Jose Rizal University, 25-14, 25-21, 25-19, sa pagbubukas ng SSL.
Sa alas-12 ng tanghali ay magkikita ang NCAA back-to-back champions St. Benilde at Letran sa Pool C at maghaharap sa alas-2 ng hapon ang Far Eastern University at Emilio Aguinaldo College sa Pool D para kumpletuhin ang triple-header.