MANILA, Philippines — Mahigit sa P.2 milyong halaga ng ilegal na droga ang nasabat sa tatlo katao sa Brgy. Guadalupe Viejo, Makati City, kamakalawa ng gabi.
Kinilala ng Makati City Police Station ang mga suspek na sina Jeffrey Dela Cruz, 25; Andy Anthony Quijada, 34; at Leonalyn Mananghaya, 27.
Sa ulat, dakong alas-8:45 ng gabi ng Mayo 16, 2023 nang makatanggap ng impormasyon ang Poblacion Police Substation ng Makati City Police Station hinggil sa nagaganap na ilegal na pagsusugal sa Laperal Compound, sa Progreso St., Brgy. Guadalupe Viejo, Makati City.
Nang puntahan ang lugar, naaktuhan ang ilegal na sugalan sa lugar at sa proseso ng pagkumpiska sa gambling paraphernalia ay aksidenteng nakita sa pag-iingat ni Quijada ang 20.73 gramo na nakasilid sa isang self-sealing plastic,habang si Mananghaya naman ay nakuhanan din ng 10.32 gramo ng shabu Bukod naman sa ilegal na droga, gambling at drug paraphernalia, nasamsam din ang bet money.