NEW YORK -- Pinagmulta ng NBA si Dallas Mavericks coach Jason Kidd ng $25,000 (halos P1.3 milyon) dahil sa pagsugod sa loob ng court para komprontahin si referee Nick Buchert.
Minura rin niya ang opisyales sa naunang kabiguan ng Mavericks sa Minnesota Timberwolves noong Lunes.
Tinawagan si Kidd ng dalawang technical fouls at pinatalsik sa third quarter sa 106-116 pagkatalo ng Dallas sa Minnesota.
“I already gave up money, so I don’t want to give up any more,” sabi ni Kidd. “They were the better team tonight, and we’ll go from there. Thanks for showing up.”
Dalawang beses pinituhan si Mavericks’ star Luca Doncic, ang NBA second-leading scorer, ng technical fouls matapos tawagan ang kanyang teammate na si Randy Bullock ng foul kay Anthony Edwards ng Timberwolves.
Sinibak din sa laro si Doncic.