MANILA, Philippines — Humataw si Ahron Estacio ng 15 points para igiya ang Adalem Construction-St. Clare sa 84-50 paglampaso sa AMA Online sa 2022 PBA D-League Aspirants’ Cup kahapon sa Smart Araneta Coliseum.
Ito ang ikalawang sunod na pananalasa ng Saints, nakahugot kina Edcel Rojas at Bam Lope ng 13 at 10 markers, ayon sa pagkakasunod, para sa 2-1 baraha.
Nalaglag ang kartada ng Kings sa 0-3.
Samantala, umiskor si Rhinwil Yambing ng 19 points para igiya ang APEX Fuel-San Sebastian sa 88-83 pagtakas sa Builders Warehouse-UST.
Nagdagdag sina James Una at Ichie Altamirano ng tig-16 markers para sa 1-1 record ng Stags.
Nahulog ang marka ng Growling Tigers sa 0-2.