MANILA, Philippines — Naisaayos ng Zamboanga City at Roxas ang pagtutuos sa second phase ng semifinals matapos pataubin ang kani-kanyang karibal sa Chooks-to-Go Pilipinas VisMin Super Cup sa Pagadian City Gymnasium sa Zamboanga del Sur.
Sumandal ang Zamboanga City sa solidong laro nina Mac Mac Cardona at Fran Yu para makuha ang 95-93 overtime win sa second seed Clarin.
Nakalikom si Yu ng kabuuang 21 puntos kasama pa ang walong assists, apat na rebounds at tatlong steals.
Winalis ng Zamboanga ang best-of-three semifinals nito laban sa Clarin (2-0).
Sa kabilang banda, iginupo ng Roxas ang Pagadian, 67-61 para makuha ang 2-0 sweep sa kanilang sariling best-of-three semis.