Japan ginulantang ang mas paboritong Columbia sa 2018 World Cup

SARANSK, Russia — Na­­gawa ng Japan ang hindi naisakatuparan ng ibang Asian team sa isang World Cup — ang talunin ang South American squad.

Umiskor ang Japan ng 2-1 panalo laban sa Co­lombia sa 2018 World Cup kahapon dito.

Ang krusyal na pagka­ka­mali ni Colombia midfiel­der Carlos Sanchez sa pag­sisimula ng laro ang nag­resulta sa red card at pe­nalty na nagbigay sa Ja­pan ng 1-0 bentahe.

Matapos ang tatlong mi­nuto ay muling napata­wan ng red card ang Colom­bia na siyang pinakamabilis na naitala sa World Cup history.

Sinupalpal ni Sanchez ang sipa ni Shinji Kagawa sa pamamagitan ng kanyang kanang braso na nag­re­sulta sa pagkakatalsik ni­­ya sa laro.

Nakaiskor ang Colombia, pinaglaro ang 10 pla­yers sa kabuuan ng laban, sa first half mula sa free kick ni Juan Quintero.

Ang Japan ang na­ging pinakahuling koponan na na­kagawa ng upset sa World Cup matapos ang Me­xico, Switzerland at Ice­land.

Bago ang torneo ay nag­palit ang Japan ng coa­ches dahil nabigo ang mga Asian teams na talunin ang South American opposition sa nakaraang 17 World Cup meetings.

“Normally you prepare a match to play 11 players against 11 and to lose one player in the first three mi­nutes — to lose such a cru­cial player — that’s not an easy thing,” ani Colombia coach Jose Pekerman.