MANILA, Philippines - Pakakawalan ang inaabangang Manila Bay Summer Seasports Festival bukas at sa Linggo.
Inaasahang sasabak ang mga batikang bangkero mula sa Antique, Aurora, Batangas, Bulacan, Cavite, Dumaguete, Ilocos Sur, La Union, Mindoro, Navotas at Rizal.
Ang mga koponang magpapaligsahan ay ang Triton, Onslaught Racing Dragons, RCP Sea Dragons, Philippine Blue Phoenix, Rogue Pilipinas, Dragons Republic, One Piece Drakon Sangres, Pilipinas Wave Warriors, Philippine Navy, Philippine Coast Guard, NTMA Dragons, Amateur Paddlers Philippines, Bruins, Speed Devilz at Maharlika Drakon.
Ang Manila Bay Seasports Festival, nasa ika-17 taon ngayon, ay inihahandog ng Manila Broadcasting Company at Lungsod ng Maynila sa pakikipagtulungan sa Philippine Coast Guard.
Magsisimula ang karera sa alas-8 ng umaga.
Ang 2017 Manila Bay Seasports Festival ay sinusuportahan ng O Optical, EyeBerry at MyJuiz.