LAS VEGAS -- Sa ikalawang sunod na pagkakataon ay matagumpay na naipagtanggol ni Robbie Lawler ang kanyang hawak na Ultimate Fighting Championship welterweight title.
Ito ay makaraang talunin ni Lawler si Carlos Condit via split decision sa UFC 195 dito sa MGM Grand Garden.
Tumanggap ang 33-anyos na si Lawler, may dugong Pinoy, ng 48-47 points sa dalawang judges para sa ikalawang sunod na pagdedepensa niya sa titulo matapos talunin si Rory MacDonald sa UFC 189 noong Hulyo.
Ang atake ng tinaguriang “Ruthless” kay Condit sa fifth round ang sinasabing nagpanalo sa kanya.
Pinaganda ni Lawler ang kanyang win-loss record sa 27-10, habang may 30-9 card naman ang 31-anyos na si Condit.