MANILA, Philippines – Matapos ang apat na buwang pamamahinga ay muling magbabalik ang paboritong “NBA sa ABS-CBN” na mapapanood sa ABS-CBN at ABS-CBN Sports + Action.
Mas maiinit na aksyon at komentaryo ang dala-dala ng bagong season ng NBA.
Ikinagagalak din ng ABS-CBN Sports na makasama ang dalawa sa mga alamat ng basketbol dito sa Pilipinas sa pagbabalik nina Ronnie Magsanoc at Benjie Paras.
Makakatuwang nina Magsanoc at Paras sina Boom Gonzales at TJ Manotoc upang magsilbing analysts at komentarista ng mga larong ipapalabas sa Kapamilya network.
“Excited na kaming makasama ang tinawag nilang Point Laureate at Tower of Power para sa pag-ere ng mga laro ng NBA sa ABS-CBN at sa ABS-CBN Sports + Action,” sabi ni ABS-CBN Sports head Dino Laurena.
Ang “NBA sa ABS-CBN” ay mapapanood sa ABS-CBN tuwing Sabado at sa ABS-CBN Sports + Action channel 23 tuwing Biyernes, Linggo, at Lunes ng umaga na may kasamang primetime replay sa parehong araw din.
Para sa karagdagang impormasyon sundan ang ABS-CBN Sports sa Facebook at Twitter (@abscbnsports) page nito o kaya naman bisitahin ang Sports.abs-cbn.com.