MANILA, Philippines - Natapos ni United States Bowling Congress (USBC) Gold coach, instructor at international ambassador Rafael “Paeng” Nepomuceno ang isang Silver certification seminar para sa coaches mula sa Pilipinas at Bahrain sa Paeng’s Midtown Bowl sa Ermita, Manila.
Isang Filipino bowling legend na kumopo ng 126 career titles sa buong mundo at tanging four-time winner ng prestihiyosong Bowling World Cup, idinaos ni Nepomuceno ang kanyang ikatlong coaching conference noong Oktubre 17-19.
Kamakailan ay nagsagawa si Nepomuceno ng Bronze certification seminar sa Colombia para sa 25 bansang kasapi sa Pan American Confederation (PABCON).
Ang mga bagong sertipikadong Silver coaches ay sina Mohamed Mustafa Janahi, Caloy de Leon, Josephine “Jojo” Canare, Rey “Toti” B. Daval-Santos, Selwyn “Sel” Cabaluna, Edmundo “Boy” R. Florencio, Jackson Co, Orlean Batistil, Edward Coo, Alexander Duque at Dr. Gonzalo Roman Jr.
“There was a great exchange of opinions and observations as most, if not all, of the coaches have been actively coaching for the past few years either in the national team, bowling academies, schools or giving private lessons,” wika ni Nepomuceno, tangan ang tatlong Guinness World Records.
“I feel gratified to know the participants were happy with how technical the Silver seminar is and how it will enhance their coaching and benefit their students,” dagdag pa nito.
Ang kasalukuyang grupo ng mga Silver coaches ay maaaring kumuha ng Bronze accreditation ilang taon na ang nakaraan sa ilalim ni Nepomuceno.
“One year of active coaching is a pre-requisite after passing the Bronze certification,” sabi ni Nepomuceno.