NCAA games kinansela

MANILA, Philippines - Sa ikalawang pagkaka­taon sa linggong ito ay ki­nansela ng NCAA Ma­nage­ment Committee ang nakatakdang laro sa basketball dahil sa masamang panahon.

Ang laro sa pagitan ng Letran Knights at St. Benilde Blazers at Jose Rizal University Heavy Bombers at San Sebastian Stags sa The Arena sa San Juan City ay ipinagpaliban dahil sa walang tigil na pagbuhos ng malakas na ulan dala ng Habagat na hinahatak ng bagyong ‘Mario’.

Noong Lunes ay  kinansela rin ang dapat sana ay tagisan ng Mapua Cardinals at Blazers bukod sa Stags at Perpetual help Al­tas dulot ng pagdating ng bagyong ‘Luis’.

Maging ang iba pang la­ro sa pinakamatandang collegiate league sa bansa kahapon na table tennis ay kinansela rin.

“All NCAA events (basketball and table tennis) are cancelled today, September 19, 2014 based on the announcement of no classes in all levels in Me­tro Manila due to heavy rains and flooding,” wika ni NCAA Management Committee chairman Paul Su­pan ng host Jose Rizal Uni­versity.

Pag-aaralan kung paano at kailan gagawin ang naudlot na dalawang laro.

Ang orihinal na iskedyul para matapos ang double round elimination sa 10-ko­ponang liga ay sa Oktub­re 4 kaya’t kasama sa magi­ging plano kung pu­we­deng isingit ang apat na naudlot na laro para ma­tiyak na matatapos ang li­ga bago su­mapit ang semestral break.

Show comments