Tamaraws wagi sa Bulldogs; Kamalasan tinapos ng Maroons

Laro Ngayon

(Mall of Asia Arena, Pasay City)

2 p.m. Ateneo vs UE

4 p.m. La Salle vs UST

MANILA, Philippines - Mula sa isang six-point lead sa first period ay kumamada ang Tamaraws sa second quarter at hindi na nilingon ang Bulldogs.

Ipinalasap ng Far Eas­tern University ang ikalawang kabiguan ng National University sa bisa ng 71-62 panalo para makisosyo sa ikatlong puwesto sa eli­minasyon ng 77th UAAP men’s basketball tournament kahapon sa Mall of Asia Arena sa Pasay City.

Matapos kunin ang 21-16 abante sa first quarter ay umiskor ang Tamaraws ng 21 points sa second period kasabay ng paglimita sa Bulldogs sa 6 marker para sa kanilang 42-22 abante.

Sa unang laro, winakasan ng Fighting Maroons ang kanilang 27-game losing slump sapul noong 2012 matapos talu­nin ang Falcons, 77-64.

Umiskor sina Mikee Reyes at JR Gallarza ng mga career-highs na 28 at 24 points, ayon sa pagka­ka­sunod, para sa unang pa­nalo ng UP.

Huli silang nakatikim ng tagumpay noong Agosto 19, 2012 nang talunin ang Red Warriors, 63-48.

Naglunsad ang Figh­ting Maroons ng isang 10-0 atake sa pagbungad ng third quarter para ibaon ang Falcons sa 52-32 na lumobo pa sa 60-36.

UP 77 – Reyes 28, Gallarza 24, Lao 10, Juruena 4, Asilum 4, Gingerich 2, Mo­ralde 2, Lim 2, Amar 1, Vito 0, Harris 0.

Adamson 64 – Trollano 24, Rios 20, Monteclaro 5, Nalos 4, Villanueva 3, Iñigo 3, Ochea 2, Baytan 2, Polican 1, Barrera 0, Garcia 0, Aquino 0, Pedrosa 0.

Quarterscores: 19-13; 42-32; 66-46; 77-64.

FEU 71 – Cruz 16, Iñi­go 14, Tolomia 10, Be­lo 9, Po­goy 6, Jose 6, Hargrove 5, Tamsi 5, Ru. Escoto 0, Dennison 0, Delfinado 0, Ug­sang 0.

NU 62 – Alolino 13, Kho­­buntin 9, Javelona 8, Di­putado 7, Betayene 7, Ro­sario 6, Neypes 6, Aroga 4, Atangan 2, Ale­jandro 0, Perez 0, Celda 0.

Quarterscores: 21-16; 42-22; 55-42; 71-62.