MANILA, Philippines - Sinimulan na ng Manila Broadcasting Company ang pagpaparehistro para sa ika-apat na Manila Bay Clean-Up Run na gaganapin sa ika-13 ng Hulyo.
Ito’y bukas sa lahat ng interesadong tumakbo sa 3K, 5K, 10K, at 21K dibisyon na panlalaki at pambabae. MagÂkakamit ng medalya at cash prizes ang magwawagi sa bawat kategorya.
Maari nang magpalista sa MBC lobby, Sotto Street, CCP Complex, Pasay City, at simula sa ika-24 ng Mayo, puwede na rin sa Planet Sports (Trinoma), Athlete’s Foot (Alabang Town Center), at ROX (Bonifacio Global City Taguig).
Patuloy na tumutugon ang MBC at iba pang mga establisimiyento sa kahabaan ng Roxas Boulevard sa panawagan ng Land Bank na maibsan ang basura at linisin hindi lamang ang karagatan kungdi maging mga ilog, estero, at iba pa’ng maliliit na daluyan ng tubig na karugtong nito. Ang fun run ay isa lamang sa mga proÂyekÂtong nakakapag-ambag ng pondong kailangan sa pagpapatupad ng mga pangangailangan ng programa.
Para sa karagdagang kaalaman tungkol sa Manila Bay Clean Up Run, maaring tawagan ang Runners Link sa telepono bilang 482.5143 o kaya 0916.205.2787.