MANILA, Philippines – Binalaan ni multi-titled Freddie Roach ang undefeated American Boxer na si Timothy Bradley na huwag mag kumpiyansa dahil mas maangas na Manny Pacquiao ang kanyang makahaharap sa Abril 12 sa MGM Grand sa Las Vegas..
Sinabi ni Roach na naging maganda ang unang bahagi ng kanilang paghahanda sa Pilipinas kung saan napaaga sila sa kanilang schedule.
“We had a great camp in the Philippines and Manny, as usual, is way ahead of schedule in his conditioning, and very motivated," wika ni Roach sa ulat na ilinabas ng ringtv.com.
Dagdag niya na gutom na gutom si Pacquiao na makuha ang naagaw na titulo sa kanya ni Bradley halos dalawang taon na ang nakararaan.
"We have great sparring waiting for Manny. He wants that title back.â€
Muling sasabak sa ensayo ang eight-division champion sa ikalawang bahagi ng kanilang ensayo sa Wild Card gym ni Roach sa Amerika.
"The real business begins for us on Monday at Wild Card,†banggit ni Roach.
Sinabi ni Roach na hindi na mauulit ang kontrobersyal na pagkapanalo ni WBO welterweight champion Bradley dahil tiyak ay kukunin na ito ng kanyang manok.
"If Bradley thinks he's going to see the same compassionate Manny he saw the first time they fought he is in for a very big surprise."