MANILA, Philippines - Bumangon ang Central Visayas mula sa ikalawang set na pagkakadapa upang takasan ang New Zealand sa deciding set sa iskor na 25-16, 22-25, 25-20 at kumpletuhin ang kanilang sweep sa Pool B sa Shakey’s Girls’ Volleyball League Season 11 Tournament of Champions sa Ninoy Aquino Stadium kahapon.
Matapos walisin ang unang tatlong kalaban, tampok ang 25-23, 30-28 panalo laban sa Southern Luzon champion La Salle-Lipa, nangapa ang Central Visayas sa atake ng bisitang koponan. Subalit agad ding nakablik ang spikers mula sa University of San Jose-Recoletos sa third set at kanilang nalusutan ang Kiwis na nagdala sa kanila sa No. 1 spot sa Pool B.
Humataw si Mary Pacres ng 13 kills at daÂlaÂwang blocks, habang nagdagdag si Jessa Marie Jorquia ng pitong atake at limang service aces para sa CV na haharapin ang No. 2 sa Pool A sa crossover semis sa event na itinataguyod ng Shakey’s at inorganisa ng Metro Sports.
Sa kabila ng kanilang 2-1 kartada, mapapalaban pa rin ang Kiwis sa semis kung saan sasagupain nila ang No. 1 squad sa Pool A.
Nauna rito, inangkin din ng Western Visayas ang isang puwesto sa semis sa Pool A nang dispatsahin ang Northern Luzon, 25-11, 19-25, 25-14 sa torneong suportado rin ng Mikasa, Asics, Tune Hotel, Burlington, BioFresh, Food Health at Science Magazine.
Mapapalaban din ang Central Visayas sa Final Four sa Pool B nang kanilang itakas ang 25-23, 30-28 tagumpay laban sa SLU noong Martes.