MANILA, Philippines - Dinurog ng National women’s team ang host Myanmar, 80-31, para ibulsa ang pilak sa pagtatapos ng 27th SEA Games women’s basketball kahapon sa Zayar Thiri Indoor Stadium sa Nay Phi Taw, Myanmar.
Sina off-the-bench players Cassy Tioseco at Camille Sambile ay nagtambal sa 13 puntos sa unang yugto upang ang tropa ni coach Haydee Ong ay lumayo agad sa 21-8.
Hindi na pinabangon pa ng koponan ang kalaban dahil kinargahan pa ng manlalaro ang intensidad para tapusin ang kampanya bitbit ang 3-1 baraha.
Ang tanging kabiguan ng koponan ay nangyari sa kamay ng Thailand, 36-75, upang mapantayan ang naabot ng Perlas noong 2011 sa Indonesia.
Ang Thais ang siya ring nag-uwi ng ginto matapos nag 4-0 sweep na tinuldukan sa pamamagitan ng 66-52 panalo sa Indonesia habang ang Malaysia ang kumuha sa bronze medal.
Si Sambile na MVP ng UAAP para sa FEU, ang naÂnguna sa koponan sa 22 puntos, mula sa 10-of-17 shooting, habang 13 ang ibinigay ni Tioseco.
May 10 puntos at 12 rebounds si Analyn Almazan at ang Nationals ay kumulekta ng 54-10 bentahe sa inside points, may 21-4 sa assists habang ang depensa ay nakitaan ng 30 turnovers ng Myanmar tungo sa 37 turnÂover points.
Ang Pilipinas ay nagkaroon ng isang ginto at isang pilak sa basketball matapos manalo ang men’s team sa ika-16th pagkakataon gamit ang 6-0 sweep.