MANILA, Philippines - Magpapasiklaban ngaÂyon ang nagdedepensang kampeon TMS-Army at Cagayan Valley sa kanilang salpukan sa Philippine Super Liga (PSL) Grand Prix sa The Arena sa San Juan City.
Galing sa magaganÂdang panalo ang Lady TrooÂpers at Lady Rising Suns sa unang asignatura kaya ang magwawagi sa larong itinakda sa ganap na alas-2 ng hapon ang magsosolo sa unahan sa anim na koponang torneo na inorganisa ng Sports Core.
Mag-uunahan naman ang pumangalawa sa unang PSL tournament na Cignal at Petron sa pagsungkit sa unang panalo sa ikalawang tagisan sa ganap na ika-4 ng hapon habang ang Systema at Maybank ay magsusukatan sa men’s division dakong alas-6 ng gabi.
Mahalaga ang makauna sa ligang may basbas ng International Volleyball FeÂderation (FIVB) at suportado ng Asics, Mikasa, LGR, Jinling Sports and Solar Sports dahil single-round robin lamang ang mangyayari at ang mangungunang dalawang koponan ay aabante na sa semifinals.
Sasandal ang CagaÂyan sa husay ng kanilang mga imports na sina WaÂnida Kotruang at Patcharee Saengmuang ng Thailand para manatiling malinis.
Ang karanasan ng mga locals ang gagamitin ng TMS pero mahalaga rin ang ma-develop ang komunikasyon ng mga dating inaasahan at ang mga guest players para umabante sa standings.