IBA, Zambales , Philippines --DaÂlaÂwang ginto ang kinuha ni Ludovico dela Cruz ng Pangasinan sa pangalaÂwang araw ng athletics upang pamunuan ang lumalaking bilang ng mga atletang nakadalawang ginto na sa Luzon Elimination ng Batang Pinoy na ginagawa sa Zambales Sports Complex dito.
Nanaig si Cruz sa 400-meter run sa 53.8 segundo tiyempo bago isinunod ang dominasyon sa 110-m hurdles sa 15.3 segundo upang maging kauna-unahang multiple gold medalist sa track and field.
May apat pang PangaÂsinenses ang nanalo sa athletics para magparamdam ang koponan sa paboritong event.
Ang mga ito ay sina Mark Conrad Manipon sa javelin (46.63-m); Marvin Manuel sa 1,500-m (4:19); Keith Mario Quizo sa high jump (1.75-m) at Carl Angelo Cunanan sa 2000-m boys walk (12:37.2).
Hindi naman nagpahuli ang mga tankers na sina Maurice Sacho Ilustre, Mark Aubrey Santos, Kirsten Chloe Daos at Anna Althea Articona na may dalawang ginto na rin.
Si Ilustre na nanalo ng limang ginto sa UAAP sa koponan ng UE ay nanalo sa 200-m butterfly sa 2:20.02 para isunod sa pangunguna sa mas mahabang 400-m distansya sa kaparehas na event sa Day 1.
Si Santos ay nagwagi sa 100-m freestyle sa 1:04.07 oras; si Daos ay kampeon sa 100-m freestyle sa 1:04.07; at si Articona ay kabilang sa 200-m medley relay team (2:20.36).
Ang mga mananalong atleta ay aabante sa National Finals sa Bacolod City sa susunod na buwan.