MANILA, Philippines - Bumangon ang San Mig Coffee mula sa isang 10-point deficit sa third period para resbakan ang Meralco, 83-73, sa Game One sa kanilang semifinals series para sa 2013 PBA Governor’s Cup kagabi sa Smart Araneta Coliseum.
Umiskor sina Joe DeÂvance, Mark Barroca at Marc Pingris ng pinagsamang 17 points sa fourth quarter upang ibigay sa Mixers ang 1-0 bentahe sa kanilang best-of-five semifinals duel ng Bolts.
“We just kind a hang around until we close the distance,†wika ni coach Tim Cone. “No doubt we were emotionally drained in our two games against Alaska in the quarters. I thought we started the game with no focus.â€
Matapos itayo ng Meralco ang isang 10-point lead, 50-40, sa ilalim ng anim na minuto sa third period mula sa isang three-point shot ni Mike Cortez, isang 20-5 atake ang ginawa ng San Mig Coffee para kunin ang 60-55 abante sa 10:37 ng fourth quarter.
Huling natikman ng Bolts ang kalamangan sa 61-60 buhat sa isang jumper ni Cortez sa 8:34 ng laro kasunod ang arangkada nina Barroca, Devance at Pingris para ilista ang isang 10-point advantage, 79-69, ng Mixers sa huling 2:07 ng labanan.
Ang agaw kay import Mario West at two-handed slam dunk ni Pingris ang siyang nag-angat sa San Mig Coffee sa naturang bentahe.
Samantala, mag-uunaÂhan naman ang Petron Blaze at ang nagdedepensang Rain or Shine sa pag-angkin sa 1-0 bentahe sa kanilang best-of-five semifinals duel sa Game One ngayong alas-7:15 ng gabi sa Big Dome.
Ang Boosters, kasalukuyang nasa isang nine-game winning streak matapos mabigo sa kanilang unang laro sa single round eliminations, at ang Elasto Painters ang tumayong No. 1 at No. 4 team, ayon sa pagkakasunod, sa quarterfinals.
Tinalo ng Petron ni Abanilla ang Rain or Shine ni Yeng Guiao, 99-84, sa eliminations noong Agosto 23.