MANILA, Philippines - Aksyon sa basketball at football ang matutunghaÂyan ng mga sports fanatics sa Sports5 ngayong araw.
Unang masasaksihan ang tagisan sa NCAA sa AksyonTV na sisimulan ng bakbakan ng Jose Rizal University at Arella alas-4 ng hapon bago sundan ng mas mainit na tagisan ng San Beda at Letran dakong alas-6 ng gabi.
Labanan sa hanay ng paboritong Barangay Ginebra San Miguel at Meralco Bolts sa Cuneta Astrodome ang ihahatid naman ng IBC 13 mula alas-5 ng hapon sa pagpapatuloy ng PBA Governors’ Cup.
Matapos ang PBA game, ang laro sa football na CLEAR Dream Match ang sunod na mapapanood na isasaere rin ng live sa TV5.
Ang Team Phil at Team James na pamumunuan ng magkapatid na YoungÂhusband at sinahugan ng talentadong dayuhang manlalaro na sina Fabio Cannavaro at Dennis Wise ang magpapakitang-gilas sa larong magsisimula sa ganap na alas-7:30 ng gabi sa University of Makati.
Ang Sports5 ang naÂnguÂngunang channel sa palakasan sa bansa at ito rin ang siyang nagsaere ng laro sa 27th FIBA Asia Championship na hindi lamang napanood sa bansa kundi pati sa 41 iba pang nasyon.