Federer sinibak ng World No. 114 player sa Hamburg

HAMBURG - Natalo si Roger Fede­rer ni Argentine qualifier Federico Delbo­nis, ang World No. 114, sa semifinal round para sa isa na namang masaklap na kabiguan ng 17-time Grand Slam title winner.

Nakalasap ang dating World No. 1 na si Federer ng isang 7-6 (9/7), 7-6 (7/4) ka­biguan sa 22-anyos na si Delbonis.

Noong nakaraang bu­wan ay nasibak din si Fe­derer sa Wimbledon ni World No. 116 Sergiy Stak­hovsky ng Ukraine sa se­cond round.

Makakaharap ni Delbo­nis sa finals si Fa­bio Fognini matapos igupo ng Ita­lian 12th seed si Nicolas Al­magro ng Spain, 6-4, 7-6 (7/1).

“It’s clearly a pity I couldn’t win either of the sets because I was starting to feel better towards the end of the match. But unfortunately I couldn’t push him further and create more chances,” ani Federer.