MANILA, Philippines - Magbabalik ang NBA 3X Philippines 2013 na inihahandog ng Sprite sa Manila sa Hulyo 26-28 sa SM Mall of Asia Music Hall.
Nasa ikatlong taon, tampok sa event ang on-court competition kasama ang libreng authentic NBA entertainment.
Ang mga libreng fan activities sa NBA 3X Philippines 2013 ay ang Sprite Slam Dunk Contest, Sprite Basketball Clinic, KFC Bucket 3-Point Shootout, Phoenix Fast Feet Challenge at NBA 3X Half Time.
Pangungunahan nina NBA Stars James Harden ng Houston Rockets at Eric Gordon ng New Orleans Pelicans ang event at ibabahagi ang kanilang basketball talents sa mga batang players.
Makikita din ang Indiana Pacers dance team na Indiana Pacemates at si Grizz, ang mascot ng Memphis Grizzlies.
Ang event activities schedule ay maaaring makita sa official NBA 3X Philippines 2013 website na www.nba3x.com/philippines.
Magkakaroon din ng Celebrity Division na tatampukan ng ilang mga artista at TV sports casters na sina Dominic Uy, Jason Webb, Richard del Rosario, Mico Halili, TJ Manotoc, Marco Benitez at Charles Tiu.