CLEVELAND -- SusuÂgal ang Cleveland Cavaliers sa pagkuha kay Andrew Bynum at sa kanyang problemadong mga tuhod.
Nakipagkasundo ang free agent center, hindi nakaÂÂpaglaro sa Philadelphia sa nakaraang season dahil sa kanyang knee injuries, sa Cavaliers sa isang two-year contract, sabi ng isang source sa The Associated Press.
Nauna nang binisita ni Bynum ang Dallas MaveÂricks at nakipagpulong sa mga opisyales ng Atlanta Hawks.
Dinala ng Los Angeles Lakers ang 7-footer sa 76ers bilang bahagi ng isang four-team blockbuster.
Inasahan sanang maÂkakatulong si Bynum, isang dating All-Star sa LaÂkers, sa Philadelphia ngunit hindi siya nakatapak sa court at sumailalim sa surgery sa kanyang dalawang tuhod noong Marso.
Tanging $6 milyon at isang taong kontrata lamang ang ginarantiyahan ng Cavaliers kay Bynum.
May $12 million option si Bynum sa kanyang ikalawang taon at posible pang lumobo sa $24 milyon para sa kanyang performance bonuses.
Sa Cleveland, muling mabubuo ang samahan nina Bynum at Cavs coach Mike Brown na isang season niyang nakasama sa Los Angeles.